ابو حسين


تسمعوا ياربابينه = يااهل المثل ياثقات القيل
سلام نبديه في حينه = فيه الوفا مكتمل باالكيل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تركي الصخري


ترحيب وافي ومالينه = عن السواير ابدمايميل
القيل نفهم مضامينه = وعندي لرمز المثل تحليل

,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ابو حسين


عن الشعر عن ميادينه = عن منبعه قبل هذا الجيل
عن هاجسه كيف تكوينه؟ ؟= في الرسم والوصف والتشكيل؟ ؟

,,,,,,,,,,,,,,,,,,,,,,,,,,,,,,,,,,,,,,,,,,,,,,
تركي الصخري


سطرٍ مرمّز لقارينه = واهل المثل تحسن التأويل
الملك يتبع سلاطينه = والعرف يبغى رجل حلحيل
,,,,,,,,,,,,,,,,,,,,,,,,,,,,,,,,,,,,,,,,,,,,,,
ابو حسين


اسال متى تم تقنينه؟؟ = ومن اسس اللحن والترتيل؟؟
كيف الوزن تم تعينه ؟؟= للحرف ثم ابدع التجميل؟؟
,,,,,,,,,,,,,,,,,,,,,,,,,,,,,,,,,,,,,,,,,,,
تركي الصخري


ماحدن وضعله قوانينه = ومحدن مهد في الثرى للسيل
هي نغمتة ساس تلحينه = مع حادي العيس باالتمويل

,,,,,,,,,,,,,,,,,,,,,,,,,,,,,,,,,,,,,,,,,,,,,
ابو حسين


كيف اختلف في الزمن زينه ؟؟= واصبح يغنى على تطبيل!!
ومنه خلع في الشكل عينه؟؟ = واحرف مساره بعد تحويل؟؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,
تركي الصخري


ياللاسف زاد تهجينه = والشعر يشبه اصيل الخيل
كلا يحسّب دواويينه = ومنطوقها فاقد التبجيل
,,,,,,,,,,,,,,,,,,,,,,,,,,,,,,,,,,,,,,,,,,,,,,
ابو حسين


في اللي مضى النقد تثمينه؟ = يبنى ارتجالي على ماقيل؟
والا على نهج حامينه = مايقبل الزود والتقليل

,,,,,,,,,,,,,,,,,,,,,,,,,,,,,,,,,,,,,,,,,,,,,
تركي الصخري


ما كان شامل في تبيينه = مدحه وذمه ...بلا تفصيل
والان تاتهت عنوانيه = ابعد عن الشعر مية ميل
,,,,,,,,,,,,,,,,,,,,,,,,,,,,,,,,,,,,,,,,,,,


بتاريخ 16/2/1433 هــ