ملا اتخذ من عـــزة النفـس ممشـــــاه = عميا عيونه لو عيونــه بصيــــره
ومن خـــاب فيه الوقت قـام اتوطــــاه = يصبح مع الايـام حالـــه كسيــــره
والطيــب الي ســـوء وقتـــه تبـــــلاه = يصير وصبره عند ربه يجيـــــــره
والصاحـب الي لغــوا الوقــت تلقــــاه= حــذرك تبـــدل بالرفاقـــه بغيـــره
كم صاحبٍ جاب الهدف وسط مرماه = وتبينت كـــل العلـــــوم الستيـــــره
امصــافحٍ سوء المواقــــف بيمنـــــاه= هذا ومثلـــه بالصفــوف الاخيـــره
والكذب مــا هــو للرياجيــل منجــــاه = ترى حبـال الكــذب دايـم قصيـــره
ولا هو صحيح الـي بغى الشي يلقــاه = شفنا وسمعنا من رجال العشيـــره
كــلٍ بهالدنيــا علـى ســــاس مبنـــــاه = نمشي وعين الحق ما هي ضريره