ياهل القلوب العاطفة والنقيه = فيكم حنان ن مير صرتم مشافيح
واليا لمحتم زول قلتم هاذيه = قمتم تلوحون النظر بالملاويح
واليا غزيتم قلب جبتم خويه = تسعدكم اقلوب العذارا المجاريح
وحده خويتكم مع اربع وميه = وتمطّعون الحلف مع كل تسبيح
كيف الوفا والحب يجزا بذيه = عقب الثقه والحب وانتم مفاليح
وين الوفا يا اهل الوفا والحميه =وين الصحيح االي تقولونه اصحيح
لاخذتم الدرّه ولامن حليه = صرتم مثل طيرن تومّيبه الريح
ولّيت ياوقتن بلانا بسيّه = من فعله اقلوب الاوادم مشاحيح
الوقت بدّل نية بعد نيه = وصارت عقول الناس يمّه مساريح