سلام ياهل الحفل وابغي صفـوف يسمعنـي=ثم ازهمولي على صياف يثبت فـي مكانـه
اللـي يقابـل وسيـع المعرفـه مايستمنـي=اللي يبا الملعبه يقلط ولـه شيـك بضمانـه
قلب المولع تولـع فيـك ياصـوت المغنـي=لكن ابو زيد لولا الغيـد ماتعـب حصانـه
انـا تبعـت الليالـي والليـالـي عذبـنـي=والرجل يطلق لسانه لين يتعب فـي زمانـه
اليا كسبتـم عوايدكـم سبـاع(ن) يكسبنـي=ذا اليل قدمك جبل يابن العرب ماهـو لبانـه
انا مـورى بكـم يـوم السوالـف ياصلنـي=حاولت اقلد مسير الذيب واسـوي امشيانـه
كم واحدآ يحمس القهـوه ونجـره مايدنـي=مـدري يباهـا سياسـه غافيـه والا لعانـه
اسمع كلامي وعلـم بـه ورد العلـم عنـي=ان كان حصلت خاين قول له خـل الخيانـه
نجورنـا قلطـآ يـوم النجـور يقلطـنـي=واهل القلوب الذهينه طيبهـا بـس الذهانـه
انا احسب ان المهندس قبل بالتصميـم فنـي=واثره يبـوز مساميـر التريلـه بالصبانـه
راع الغنم يزرع الحنـا ويعـرف للتحنـي=يشوفه احمر يحسب انه عصيـر البرتقانـه
من راح زعـلان لعلـه يـروح ولايثنـي=حنـا لقينـاك ياالبـارود وسـط الجبخانـه
الله يساعدك واللـي غابنـن قلبـك غبنـي=من لحقه الحف يدهن شاربه باتلـى دهانـه
ليت الليالي عن اهـل المعرفـه مابرزنـي=اظني اكسب من اهل المعرفه عرف وحصانه
قابلت شهب السباع مـع الطريـق وقابلنـي=واللي قليبه صخيـف كيـف يلقالـه متانـه
لعل قلب العنـا يصـل البحـور ويرجهنـي=اما صحا القلب ولا مرحـت فيـه الجنانـه
انا قريت الحيايا الرقـط حتـى صاحبنـي=ولقيت درب الشجاعه خير من درب الجبانه
سبحت سبع البحور بقـدرة الله مااغرقنـي=والعرف ماهو ياراع المعرفـه باالخيزرانـه