لحن .. جمعني مع الشاعر القدير .. ( جلمود حرب ) ..
أضعه بين أيديكم .. على أمل أن ينال استحسانكم
جلمود حرب=
لجل الذي فالمعاني ذيـب = وصوته فـ صبح الأدب داوي
سلام دونه مشاعر طيب = يالشــاعر المـــاهـــــر الهاوي
.=.
من الماضي=
ياشبل نال أعظم الترتيب = يامحترف ماله مساوي
يامرحبا واكثر الترحـيب = ياعـد كل الأدب حــاوي
.=.
جلمود حرب=
دام انتهى بيننا التوجـيب = ياللي مع الطـــيب متساوي
بآخذ معك فالمثل وآجيب = وافتش لك الجرح وتداوي
.=.
من الماضي=
لاباس ياراعي التهذيب = يانجم فيها السما ضاوي
الجرح لابد له تطبيب = مصغي لما يروي الراوي
.=.
جلمود حرب=
وا قلــبي اللي لــقي تعـذيب = تايه فـ وسط الألـم غاوي
وكل مانقول الجروح تطيب = ترجع بنا لوضع مأساوي
.=.
من الماضي=
يامشتكي والسقوم تصيب = وجروح ماهو لها قاوي
أبغى معك نبحث التسبيب = لاصرت لعلاجـها نـاوي
.=.
جلمود حرب=
منّـــي ابـــد مــا لفـــاهم عيـب = ومعهم على الطيب متخاوي
هم صوّبولي الأسى تصويب = في غفلتي والأســى كــاوي
.=.
من الماضي=
من قدم الطيبة مايخيب = يمكن لوى شانهم لاوي
بادر لهم والعتاب يثيب = لاتترك الحــال متهـاوي
.=.
جلمود حرب=
عاتبتهم والعـتـــاب يذيب = كل هم في قلــــوبنا ذاوي
مالقيت لأفعالهم تعريب = ومن القهر صابني طاوي
.=.
من الماضي=
إن كان لـك تالــيــة لاتهــيب = خلك على الجال متقاوي
بالوقت من دون شك وريب = الحُــرّ في ماكـره يــاوي