ياللي فعلت الخير مذكور بالخير=عند الحكيم اللي لحكمه نطيعي
مايفعلون الخير غير المسافير=الطيبن اللي كرمهم طبيعي
اوجيه ناسِ يفعلونه مناوير=بالرجع ولا بالزمان الشنيعي
ووجيه ناس تتركه شكلها غير=مالله على شكل الاوادم جميعي
صورهم اللي صور الكون تصوير=والله على المخاليق حلمه وسيعي
احدأ حكيم يحدر الهرج تحدير=ساقه على مشي المعزه منيعي
واحدأ غشيم يدور الهرج تدوير=كنه لزلات الاوادم وديعي
واحدأ تقل بيده عشره مسامير=قلبه لفعل الخير مايستطيعي
واحدأ يفوز وينتصب للمسايير=يكرم ضيوفه بالذراع البتيعي
واحدأ ليا شاف اللقاء المناعير=مشيه لشب النار ماهو سريعي
الطيب اللي له مع الناس تقرير=والطيب عند اهل الوفا مايضيعي