من هجوس المولع فالزمان العجيب=أسعد الله مساكم وأسعد الله مساي
وأسعد الله وليف ٍ كان عندي قريب =كان عندي قريب وكان دايم غلاي
لكن اليوم غايب والهواوي صويب=حسبي الله على وقت ٍ حدابه وراي
ولا ستدارت راحة الوقت ماهو غريب=بس الاغرب وليفي ماهو جالس معاي
غايب ٍ له ثلاث اليال ليه المغيب=زادت هموم قلبي عارف ٍ ويش بلاي
هاجر ٍ كل هالعالم ولا لي صحيب=لاتحسب القوافي طايحه من سماي
والمثل قال كلمه قال كلمة لبيب=لكن مدري وش اللي قبلها من غباي
من هجوس المولع للوليف الحبيب=أسعد الله صباحك من سعادة مساي