يامن فى عمره وصل ستين= وش عاد باقي كثر ماراح
لاتحسب انك مع التالين= بتعيشها نشوة الآفراح
جهال ذولي ومتسلين= سبابة النوح والآجراح
اصغار الآعمار مفتلين= مايسمعونه مصيح صاح
ولاضن يعقب قساهم لين= وتستطعمه ناضج التفاح
ولازم بعد حين يأتي حين= يسقون بالمر فى الاقداح
فالخير خلك عوين وعين= ضب الهوى واكسر المفتاح
وارضى نصيبك مع الراضين= وكتبأ كتب لك على الآلواح
واحسب حسابك ليوم الدين= ومسألة قابض الآرواح
من خوف تقفي مع المقفين= ولالك حصيله من الآرباح