يقولون من لايذكر ربوعه الغاليين = ماهو كفو تقدير الرجاجيل بالمره
وانا كل مااذكر غيبة معرب الجدين = اكن الونين وصفحة العين محمره
مدام الوفا شيمه وحق الرفاقه دين = انا كيف ابنسى قدر الاصحاب واغره
خذتنا الليالي والمشاغل يسار يمين = ولازالت قلوب الاصاحيب مخضره

يا مرحبا ما فاح ورد البساتين = بالصاحب اللي وسط قلبي مقره
ترحيبتن فاقت حساب الملايين = واعداد مايظهر على الارض جره
تبقى المعزه بين رجالن عزيزين = لو كان بالدنيا على الناس فره
تبقى معزتكم على الراس والعين = والوقت هو الوقت حلوه ومره
ولا جارت الدنيا ترانا سلاطين = على الوفا نبقى والنفس حره
على الوفا دايم ترانا وفيين = نثبت كما تثبت نجوم المجره