حمد عتيق اليوبي=
صـــده وهـجــره وحـرمـانــه = ياطـيـبـهـا مــــع بـلاويـهــا
باصبر عليها ومن شانه = هـي متعـتـه يــوم يبديـهـا
محمد سعد اليوبي=
ياحـر يكـفـخ بجنحـانـه = والطـيِّـبـة دوم راعـيـهــا
يمكن أحد عاقد لسانه = بجروح أعيت مداويهـا
حمد عتيق اليوبي=
يامن على العز بنيانه = المسألـة وكــل مافيـهـا
تهـون لا بــان برهـانـه = وجروحـه انـا مداريـهـا
محمد سعد اليوبي=
الـجـوهــرة داخـــــل الــدانـــة = آلاف الأصــداف تحمـيـهـا
وإن حي كشر لها أسنانه = أنــــت وأنــــا مــــا نخـلـيـهـا
ياســـــــــــلاااام على الابــــــــــــدااااع
صحت السنتكم مليووون وبيض الله وجيهكم
محاوره في قمة الروعه والجمال من شاعرين عملاقين
ولاهوغريب هذا الابداع عليكم الله يعطيكم الصحه والعافيه
دمتم على العز والتقدير