ماني بتاجر لكن ان جاني الضيف=اصير تاجر والفقر في حريقي
اذبح له الكوما بخنجر تقل سيف=واقلط الرسلان قبل البريقي
واردد الترحيب واهلن تراديف=وحجاجي مع الضيف دايم طليقي
وان جاني المحتاج معه الصواديف=روح وصدره منشرح مايضيقي
وان شفت في ربعي قليل مصاريف=المال قله مايعذرب رفيقي
اقف بجنبه واحتزم ماني ضعيف= لنه رفيقي في مثابة شقيقي
ولااحسب بمالي وكثر التكاليف=يومن ولد اللاش بخله حقيقي
سلمن لنا مانرتضي فيه تحريف=ولانقبل بغيره ويبقى طريقي
قلته وانا من طيبين المواقيف=اهل الكرم والجود عز الصديقي
حرب هل التاريخ والعز والكيف=وهل الشجاعه والفلاح العميقي