تحيرت ياصياف مدري وش ابطـــــاك =تحيرت ياصيـــاف وش ذا المغيبــــــه
انا ربي أعطاني كما ما الله اعطــــاك =ومن هو يجيه الخــير يعطي صحيبـــه
انا ما تحـير يابن الاجــواد لــــــولاك =وشهــوات الأنفس يالهذيـلي صعيبـــــه
إليـا أعطاك ربك عـز دينـك ودنيــاك =وطــالـــع بعينـك للديـــــــار القريبـــــه
أنا عارف إنــك تبدي للخـير يمنــاك =وهـذي على الأجـــواد ماهــي غريبـــه
نزلت البحر والله من المـوت ناجاك =ولا زم تصــدق من عروض المصيبــه
أنا أشوف في جيبك ثلاثين مسـواك =وهــذي مع العــربـان قصـه عجيبـــــه
نزلـت البحــر قـدام دورات الأفــلاك =وجهـــزت للمخطــي سهــومٍ عطيبـــــه
أبعطي ذاك المسواك والحظ يبــراك =ومــــدت صحيــب لصاحبـــه ما تعيبــــه
أنا شفت مسراح وأنا شفت مضواك =ولا أدري ويـش شفت من ذا الكسيبــــه
عليــك الله اكــبر كلهــا ما تعــــداك =ولكن إنـك الليــله قـاضبــلك قضيبـــــــه
عدوك رماك برمح صابك ولاأخطاك =ولـكــن دور لــك طـبـيــب وطبـيـبــــــه