تركي ا لميزاني=
سلام الله عليكم بالنيابه عن رجال مطير=سلام لويخص يعـم والعملـه سعوديـه
الا ياحرب لي وجهة نظر تبغى لها تفكير=عسى ذاك اللزوم يتم والعملـه سعوديـة
صياف الحربي=
هلا يامرحبا بالخير واللافي يـروح بخيـر=عسى تركي يجيله عـم والعملـه سعوديـة
عيونك صاحيه وتشوف حتى اللي بقاع البير=لكن البكم راحت صـم والعملـه سعوديـة
تركي الميزاني=
يدوم لك البقا يالشاعر اللي عن شبابه غير=وانا همك ليا جا الهم والعملـه سعوديـه
عيوني شوفها يم الجبال اللي سوات النير=وأنا ما أذبحك لوفي دم والعمله سعوديـة
صياف الحربي=
انا قبل امس مروني ثلاثه فوق ظهر بعير=والاوسط ثوبه ماله كم والعملـه سعوديـه
اليا جابو مجال السالفه محمي عن التقصير=ولن دورت قلنا سـم والعملـه سعوديـة
تركي الميزاني=
مروك ياصياف وش سويت من تدبيـر=عساهم ماسقوك السم والعملـه سعوديـه
انا ماظنتي من عقب ذاك الزيريطلع زير=خسارة اللأبو واللأم والعملـه سعوديـة
صياف الحربي=
مشوا قبل الصباح ونزلوا وسط القصيم عصير=وجبنا الجمر وقالـوا تـم والعملـه سعوديـه
سواليف البدو بيـن الجماعـه كلهـا تزويـر=هـذا يمـدح وذاك يـذم والعملـه سعوديـة
تركي الميزاني=
تقوله وانت ياصياف ماتسلم من التكبير=تذرى بين خال وعم والعمله سعوديـه
الا ياحرب شيلوا فرتكم للمجمعه وسدير=مخبط مايسام بكـم والعملـه سعوديـة
صياف الحربي=
ترى كلمتك هذي مخطية يبغالها تفكير=نثرت الحب لمه لم والعملـه سعوديـة
انا خابرك شاطر ماتدور لحمة الخنزير=وذا الحينه تظمه ظم والعمله سعوديـه