قصيدة ترحيب بجلالة الملك
عودة سلامة مرحبـا اليـوم والغـدعد السحاب وعـد ممطـر غمامـه
عم الوطن فرحة مـن الحـد للحـدوهنوك سكـان الوطـن بالسلامـه
يا مرحبا يا حاكـم الشعـب بالـودعلـى جبينـك للمـودة عـلامـه
أنت المليك اللي بك الشعـب يسعـدلحظات من حكمك تحقـق مرامـه
وأنت المليك اللي لك النظـر يلتـدولك هامة تعلا علـى كـل هامـه
وأنت المليك اللي لك الأمـر يسنـدلجاء نهار أمـره مسـاوي ظلامـه
وأنت المليك اللي مع المزح والجـدكلٍ علـى مجـراه تمسـك زمامـه
وأنت المليك اللي بك الظهر ينشـدالشرق الأقصى جيت تحمل وسامـه
جبت وسام الروس والصين والهنـدومن لاحملت اسمه كسبت احترامـه
وأنت البطل في صرح الأبطال ينعدوأنت البطل وأنت زعيـم الزعامـه
اشهر جبل في الأرض قالوا جبل حدوأنت اشهر أبطال العرب بالكرامـه
وحنـا سعودييـن وأب علـى جـدمنـا الـولا والحـب والاستقامـه
تاريخنا ما هو على الجـزر والمـدشط العـرب وألا سواحـل تهامـه
تاريخنا من ماضـي الأيـام يمتـديشهد لنا الطايف وحرب الرغامـه
وحنا الرضيع نلقنـه حيـن يولـدبالدين والطاعـة لراعـي الامامـه
ونعلمه حب الوطـن حيـن يشهـدبالمهد والا وقـت يفصـل فطامـه
حب الوطن وأهل الوطن حب مفردعلى عـدد مـا يقبـل الانقسامـه
هي دارنا هـي امنـا زينـة الخـدماها لبن والسقف فرعـك عمامـه
فيها دفن جـدك وفيهـا لكـم جـدوان خنت فيهـا تغتشيـك الملامـه
بقلم / الشاعر ربيع عريمان السحيمي