سلام يا اللي محرق اليوم دمك
يا اللي تبسم لو فؤادك حزيني


احلى سلام وغاية الهرج يمك
وقت(ن) يشين اليوم بكره يزيني


اضرب على الكايد ولاأحدن يهمك
اعرف ترا الدنيا تزين وتشيني


شخص(ن) مدحك العام يمكن يذمك
لا صار ما يحمل بقلبه حنيني


أحذر عدوك لوعلى الصدرضمك
والحق واضح والسوالف تبيني


لا تربط الدنيا على اطراف كمك
دنيا زوال(ن) والملا راحليني


وانت تشيل هموم غيرك وهمك
ذكرك جميل بحسبة الغانميني



وإليا ذكرت الله ترا زال غمك
والرب يذكر كل وقت(ن) وحيني
.
.