انا الحليم اللي مع الصمت مسجون=وانا الذي بالناس فيه الشجاعه
نزفت لين اصبحت بالأه مسنون=اقطع حبال الصبر فخر و قناعه
اقوى على صمتي ولا اكون مجنون=احكي مع اللي طيفه اليوم باعه
راح وتركني يحسب القلب مفتون=ما يدري ان البعد قوّى المناعه
ابني حياتي لو غدى الوقت مدفون=واهدم حياته دام ناوي القطاعه
صبرت له مدة على شان مزيون=واثره يعيب الزين زود المياعه
ياخذ ولا اعطى ..بالوفا صار مديون=كنّ التطفّل فيه رزق المجاعه
يمسي ينادي بالرخا ...فرحة الكون=وارد له لبيه سمعاً و طاعه
ولا جيت انا احتجته ولو صحت بالهون=لوّح بيده فوق لحظة وداعه
ما عاد له قيمه ولا عاد له صون=مثله مثل من عاش ذلّ و بشاعه
الله يسامح نظرة القلب لعيون=متحجبه بالزين تنوي خداعه