قبل شهر رمضان الليل هذا مثل ليل العيـد=عسى ربي يطول عمر من نمشي على نوره
تهرج يا أحمد الناصر وصك الحيد جنب الحيد=ولا تزعل على مستور والأحوال مستـوره

اظن العيد عيـد للجميـع مبـارك وسعيـد=وهذي عادة ما تختلف لعيـال اخـو نـوره
عسى من فاد راسك يالثبيتي ما يفيد الفيـد=ترى مستور أخوي ورفقته في القلب مبذوره

ترى عقل البني آدم يا أحمد الناصر سواة القيد=يخلي السر دايم صرة في الجيـب مصـروره
نسيت الفقه والتوحيـد والتفسيـر والتجويـد=بعد عودة معهـم كـل يـوم تلعـب الكـوره

تهرج يالثبيتي وانت ابو ما تشتهي وتريد=ليا ضيعت دربك نزهدك في راس باكوره
تكايدني وانا خابرك رجال تحـب الكيـد=جوازك للسفر ما فيه توقيع ولا صوره

عطوك البندقية مار ياجعلك تصيد الصيـد=لها روحين مار البندقة ما هيب ممهـوره
يجيبون الدوا للعود يبغونه يصيـر وليـد=وإلى شافوه يعرج بين اهل رابغ ومستوره

تشوف اللي قريبه يا لثبيتي ما تشوف بعيد=سواة التاجر اللي في البحر غرقان بابوره
اظن الفقع في جنب الرقه والعلم بالتأكيـد=ولو ما تحسن اللحيه لقيت البيض منثوره

انا ما ابغاك تمشي في الدروب العوج يا بوزيد=ولا يطرحك درهام الجمل بالارض عن كوره
انا با خذك بالمعروف وانت العم وانت السيـد=رجاجيل الجميله بين كـل النـاس مشهـوره

تهددني ولا يزمل عميلك راعـي التهديـد=واخبر الناس يارجال منهيـة ومامـوره
نبي نرضيك يارجال والميت عساه شهيـد=وعقب أقرا عليك العاديات من اول السوره