شليويح بن شلاح المطيري مثل الاشوام=سلامه مرحبا بك من بعيد اليا بعيـدي
تغير واختلف طبعه على ربعه من العام=رمى قلب قديم وشاري قلـب جديـدي

صياف الحربي

شليويح المطيري ما تعدى دين الاسـلام=واقوله بالنيابـه عنـه والعايـد يعيـدي
لعلك يا أحمد الناصر تجي وتـروح قـدام=وتصبح في اوسط الديره شقي والا سعيدي

تهرج بالرضا حيث الرضا هو سيد الاحكام=وخلـق الله تفكـر بالقريـب وبالبعيـدي
انا أعرف الليالي السود وبيـض الايـام=وترى ما نيب اعيد لين اوكد يوم عيـدي

تهرجنـا وفكرنـا وفسرنـا بـالاحـلام=وجبنا لك خبر مضمون بالعلم الوكيـدي
فتشنا في صحنكم ما لقينا خبـز وايـدام=ما غير القدر والطاسه ومسواط العصيدي

يقولون الضوامي هالليالي ورد وحيـام=ولا ضد الحديد الا القوي من الحديـدي
ضعيف الحيل ما ينفع ليا انه طاح ما قام=ولو ينزل بعد بكره يطـري فالشديـدي

وقف في دربها مجنون لا صلى ولا صام=لعله عقبها يقعد مـع العالـم وحيـدي
لو ان ام الكباير ما عطوها خرص وزمام=ما يمديها تغني لك بنوع من القصيـدي

أنا ما نيب احب الظلم مار الناس ظـلام=اجنب خزنه السلطان ابن عبدالمجيـدي
احد يحكم عليه اليا جهل في حكم الاعدام=خطير انه يذكى مثـل تذكـاة الهريـدي

أنا عارف وداري واعرف ان الظلم هدام=ومن يخطي على المسلم ترى قلبه بليدي
ومن يشري لك البندق يبايشري لك حزام=لو ان الموت فوق الحنجرة تحت الوريدي

ترى ما طاب للرجال ياصياف مادم=معك قلب كبير ولا معك رأي سديدي

/

\

/