المشاركة الأصلية كتبت بواسطة صنت البدراني

اللي علومه قدمنا بشاشة العرض = اما نقص والا نزيده علامه
ليته حسب للعلم بالطول والعرض = من قبل لاتبرك عليه الندامه
مشيت فوق الارض والا على الارض = اسلك طريقك كان تبغى السلامه
صل الفروض الواجبه والحق الفرض = حتى تعيش بخير يوم القيامه
اللي يقص العظم واللي برض برض = لاتشيلها بالحثل يابو دلامه
اسمع كلامي واستمع فيه ثم ارض = طيع الشجيع اللي يورد كلامه
ان كان ودك كاش والا تبي قرض = يصرف لك المقسوم بنك الزعامه
لاتسابق الفريس بركابك المرض = ابعيرك الاجرب قصير(ن) سنامه
جتك الخلاصه لاتجي ساحة الحرض = وتروح منك الروح والابتسامه