ياكبرها ياعبرها ياهل الجـــــــــــــــود = الي يبي يمسك اخطام الاصــــــــــيله
يقبل بها المجِهد على كل مجهــــــــــود = والفضل للي فوق راس الطــــــــويله
ياراس يالي بين لك روس محـــــــــدود = اعرف ترى كل ٍ يجمع حصــــــــيله
يوم إنها ذرعان وكتوف وزنــــــــــــود = وذاك الغلام المعتبر ياحلــــــــــــــــيله
لاصدر اعدود ٍولا يارد اعـــــــــــــدود = ولاشال بارود ٍ ولع فتـــــــــــــــــــــــيله
واليوم يبغاء ينقل الحمل مسنــــــــــود = حمل الجمال الي تشيل الثقــــــــــــــيله
امسى عليه اليل في غابة اســـــــــود = بين الاسود وبين سواد لـــــــــــــــــــيله
يرجف اشوي وياخذ اشوي ويعــــود = وتسمع مع الرعده لخضة صمــــــــــيله
وهبت هبوب ٍقوها يكسر العــــــــــود = ومن بعدها تنشي عليه المخـــــــــــــيله
قوة رعدها يشبه لصوت بـــــــــــارود = ثم دور المخراج بهون وســـــــــــــيله
من لايصارع قوة اسود مايســـــــــود = ولاهو شجاع الي يروعه شلـــــــــــــيله
ضرب الحصى ماشابهه ضرب عبرود = من كف من عزمه طغى فوق حـــــيله
ترى الجبال الراسيه ما تبا اشهــــــود = يالي بجنب الضلع تبغاء تشــــــــــــــيله
الطود يبقى طود لاتقرب الطـــــــــــود = من عاش بالحيله مماته بحـــــــــــــيله
الي يعرف البيض يدري وش الســـــود = خص الثنين وخل راع الملــــــــــــيله
الي لهم سيف ٍ على الروس مجــــرود = واحدهم الوحده يروع قبـــــــــــــــــيله
واليوم يابو ركود خلك على اركـــود = لاتثور البركان يجيك ســـــــــــــــــــيله
ياراعي المفرود جنب هل الـــــــــذود = الي يموحون العدود الطـــــــــــــــويله
مكروه ياصمت ٍ تبي تعقب الهـــــــود = ومن يمسك الميزان نقص بكــــــــــيله
اما يعدل وزنها بكل مجهـــــــــــــود = وإلا ترى كل ٍ يبي يشد حــــــــــــــــيله
صلف الهواء ماهو بذعذاعت النــــود = يالي تعرف البن الاشقر وهــــــــــــيله
شارد يصفق له البارد ونمــــــــــرود= والمد مابين الثلاثة بلـــــــــــــــــــــــيله
اسمع كلامي زين ياصبي محمــــود = وإن ماسمعت العلم جتك الفشــــــــــيله
اعيار وجه لك ومرماه بركــــــــــود = ماودي افج النحور العلــــــــــــــــــيله
الرمز فيها سم والاسم ممــــــــــدود = والساكن الي بعدها لاتجـــــــــــــــــيله
خصمت وإلا صمت وإلا تبي زود = والعاقل الي يكون عقله دلـــــــــــــــــيله
خسران بالثنتين ياقليل الفــــــــــود = الدايرة تفرق عن المستطــــــــــــــــــيله
لو سلم الجاحد على خشم مجحـــود = عبادة وجيه ٍ وخل وخــــــــــــــــــــليله
جنبتها عن كل من كان مقــــــــرود = لين استوت لوكان ماتستـــــــــــــــويله
ومن قال به ناشد ولافيه منـــــشود = اقول هاذي سمها المستحـــــــــــــــــيله
لوبينت بند ٍ تخفي لها ابنــــــــــــود = مضرابها ضربت اسيوف ٍ صقـــــــيله
تخفي تحت طياتها قوة اسكـــــــــود = وبالارض تتمخطر سوات الكحــــــــيله
اما ابتنا صرح ٍ له سنين مهــــــدود = وإلا العميل يعيف عملة عمــــــــــــيله
قوة شباب وتشبه لكلمة الـــــــــعود = شيخ ٍ حكيم وبالقاء ينعنــــــــــــــــيله
يوجد بها جالد ومخلع ومجــــــلود = وفيها ثناء لهل الفضل والفضــــــــــــيله
تبرد اكبود وتكوي اكبود وتكـــــود = وتفرق شعر لحيه وشعرة جـــــــــــديله