في عهد حاكم كل شعبه يعزه=وعضده ولي العهد واللي ينوبي
وتشريف ريس لا استلم دار عزه=واللي حضر من شام والا جنوبي
سلام من راسٍٍ يريد المعزة=للديرة اللي هي شماغي وثوبي
اللي لها ميثاق ما أحدٍ يهزه=بين القبايل في الرخاء والخطوبي
بالقن والقانون في كل حزة=ما بينهم غالب ولاشي مغلوبي
أقولها والله من دون هزة=وملعون رجلٍ لا تكلم كذوبي
لا جيت في الأبواء أحط رزة=لو كان مافي قرش داخل جيوبي
يا الربع كلٍ يعرف اللي يكزه=وكلٍ يقف ما يقول يادوب دوبي
شارب يذم أمجادنا حل جزه=ولا هو على بيض اللحى بمحسوبي
وكان حيٍّ بعض حال يلزه=حذراه لا يسمع حسودٍ لعوبي
من شنف الاذان لبليس وزه=وخلاه يذري مذريات الهبوبي
هذا وأنا ما أريد بالقول فزة=ولا اريد أجذب صاحب الشوف صوبي
أكبر فخر لا جيت من فوق نزة=وقالوا علي والنعم هذاك يوبي