ارتاح ياحبرن كتب فوق الاوراق = اليوم دمعي يكتب القاف كله
ياربٍ فيني صرختن وسط الاعماق = حتى عروق القلب قامت تتله
ياربٍ هوًنها ترى الكون بي ضاق = ياربِ منهو ضاع ياربِ دله
عرق الحميه تو ماصحصح وفاق = ماهي حميًة لاجل سيفن ودله
ماهي سوالف لاجلها الناس تشتاق = ولاهي وله للي رموشه مظله
المسلم اللي صاح مشرك ونفَاق = ياتباع عبدالله سبأ يالمذله
يالله عساه بجنة الخلد ينساق = حارب غلوً الدين قدَام شله
قالو حسين وقال يارب الاشراق = شتًان بين العبد وربِن نجله
احدن عبد مخلوق من دون خلاق = ماينفعه ميت مثل نفع ظله
وحدن عبد ربِن رحيمن ورزاق = عالم بحال العبد مهما حصله
وحدن يرى جبريل خاين وبواق = وحدن عرف قدره وجاب الادله
وحدن يرى القرآن محفظ ومصداق = محفوظ ولا يمكن يجي فيه زله
وحدن يرى القرآن بعض الحكم لاق = وبعض الحكم تحريف وكم فيه عله
وحدن يقول الريح من ربي تنساق = وحدن يقول المصطفى ناسبنله
وحدن يجي للقبر وتسمع له نهاق = يلطم خدوده والمواويل فله
وحدن يجي للقبر عبره من فراق = كم فرَقت دنياه خلن وخله
وحدن يصوم اليوم وبالصوم سبًاق = اما قبل ولا بعد فرق مله
وحدن ذبح نفسه على شان الاشواق = دمه على ظهره وسيفه يسله
وحدن لسانه غير بالذِكر نطاق = وحدن لسانه بالشتيمه يفله
وحدن على الشهوات بالصبر ماطاق = قام يتمتع والعذر جايزنله
وحدن يجيب شهود وللمهر سواق = زواج يبقى سنين وهو مخلصنله
وحدن يبي يشرب من المزن براق = وحدن يبي الفضلات من سيدنله
وحدن نشر دينه بحكمه واخلاق = وحدن خفى دينه على منهجن له
يكفي ترى صاب الورق بعض الارهاق = يبكي على فعل الخطا في سجله
ماتغطًي القمره على شمس الافاق = ياللي عرفت الحق روًح محله
وصلاة ربي عدً من نام ثم فاق = على نبيِ(ن) وضًح الدِين كله