يا الله طلبتك بالهدا والتوافيق = تغسل قلوب الناس من كل سيه
يا الله يافراج عسر المخانيق = أهد القلوب اللي على غير نيه
شفت الوجيه اليوم كشربها الضيق = ومن البلاء كلن يواسي خويه
ياليت بعض الناس من نومه يفيق = يعرف خطا نفسه ويبعد نحيه
ماله وراء ذم الرجال المطاليق = وش به يحط يداه والنار حيه
الشعر ياهل الشعر معنى وتوثيق = ماهو مثل ماقيل سجه وجيه
انكان حدوك الرجال المواثيق = لا ترتخي وتروح يم الرديه
ولا صار ماتعد الجبال الشواهيق = أصبر على ماجاك ماهي قضيه
خله وراء عوج الحنايا المغاليق = أخير من يومن يجيك بهديه
كم واحدن جته المنايا ولاسيق = مهدور دم وسبته دوم عيه
واللي يقطع في جميع المخاليق = حتى على الاموات راعي وذيه
لابد له يوم ينشف به الريق = يوم الخلايق عند رب البريه
وش عاد لو بعض النشاما مدانيق= اما جهل والا اخذتها حميه
صقور واحرار مير فيها مسابيق = تبغى المطير وعندها معنويه
مير الجهل ياخذ من الناس ويعيق = حتى ولو سنه كبيرن شويه
العقل ماهو بالشنب و الزباريق = العقل ميزان القلوب الخفيه
مير الهزيمه تاخذ العقل وتعيق = يمكن تود شهار يم الحويه