المشاركة الأصلية كتبت بواسطة نواف الحصني

يامرحبا ماشعشع الصبح بقبال = والليل نجد حط عنها ردونه
ماقولها بدعه ولاقولها ذال = بالشعر والتاريخ من ينصفونه
ولاقولها شرهة قصيدة وموال =يوم المديح بسوق اتاجرونه
يامرحبا ترحيبة فيها مال = ميلة غلا ماهي بميلة رعونه
تنزل على شبه الجزيره تنزال = في محفل طول المدى يذكرونه
يامرحبا يالسيد ياميل اعقال = يامن هل الشيمات مايرخصونه
بحر من الامجاد جال لياجال = ماينقصون اليم ماينقصونه
ونجم من انجوم العرب يشعل اشعال=كل النجوم اتلوح وتغيب دونه
اليعربيه جالها مضرب امثال =والعالميه شاحها في متونه
يالايمي يعل في عينك اخلال = المجد يبغى منكب يدحمونه
والملك ملك اللي ملك حب الاجيال=ولا اللوطى كل العرب يملكونه
ومليكنا غيث على الشعب همال=وشهب على العدوان ماينطحونه
مايلحقون امعرب الجد والخال =لوحاولو بالغرب يستنسخونه
هذا ولد من صال في نجد واجتال=ملبوسه التوحيد والسيف شونه
يشرب على سبع الصناديد فنجال=ومذرب فالطيب مايلحقونه
عبدالعزيز اللي برى السين والئال=ورد التراث اللي تقافت اضعونه
زاح الشدايد زوح دلو بمحال=وستنهض التاريخ من يكتبونه
على ورق ولا على خد تيفال=يستاهل التاريخ من يدخلونه
والاوله والثانيه فالها فال =والثالثه برماشة من عيونه
جالت به الدوله على سبع الاهوال=وطويق راسي ماتزحزح اركونه
شال السعوديه وهي ضعف وقلال=وقفى وهي من كل خيرمنونه
تبكي وفى ماقدمه ذرب الافعال= اللي تحيل ولاتسدد ديونه
يجبر عزاير وحشته روس الابطال=جنسه اطبوع ولونهم مثل لونه
شيد لنا بيت على العز مازال =العنف والتغريب مايهدمونه
مايهدمون اللي على ود ووصال = وكنف زحازيح العرب يخفضونه
ومنابر تنصب بها الحق ينقال =فيها وفيها الشر من ينكرونه
ومجالس تشرع بها بن ودلال =يلقابها المضلوم من ينصرونه
هذا الصحيح اللي على متنه اجلال=يجزون بالاحسان من يبذلونه
والسوء تجزى فيه مرديت الافعال =سنه وزرع المزرعه يحصدونه
لوطاف بالدنيا مقاريد وانذال =الله مع اللي خلقهم يحسنونه
وصلاة ربي عد ماهل وبال =على نبي بالهدى يتبعونه