يا لله دخيلك من نصيبن كل ماياقف يطيح= ويالله دخيلك من عصاتن ماتفك من الكلاب
كم شفت بالدنيا كريم وشفت بالدنيا شحيح= وكم شفت بالدنيا عزيزن من عزيزين الجناب
ياما استفد من العواء ويا مااستفد من النبيح=لله درك ياالزمان اللي تطوع للصعاب
لاصار زندك في نهار الضيق ما يقدح قديح=ارمه من اعلا مرتفع ولا ادفنه تحت التراب
ياهاجسي لاتمدح الي مايليق ابه المديح=يلحقك من مدح الردي ياهاجسي لوم وعتاب
لاصار ماهو مثل ماقالوا سنافي هب ريح= وش عاد لوانه بنى باالصلب ناطحة السحاب
وترى المسى بالفيضه الي نبتهى حرمل وشيح = أخيرلك من مجلسن وداء فلان فلان جاب