ياللي على عرش الجمال اعتليتي=يالله عساك ان جيت يمّك تهلين
مدري اخذ منك الحلا أو خذيتي=بالعون مامن مثلكم من مزايين
انتي على روس العذارى رقيتي=يافتنة العالم ويامنبع الزين
تفرح جميع الناس لامن لفيتي= واليا بعدتي يرتجونك تردين
نمشي بدون شعور لامن مشيتي=من غير ماندري على وين ماشين
ولامن حكيتي آآآه لامن حكيتي=تسقط فلاسفة العرب من كلمتين
على دلع على طفوله ربيتي=مهما كبرتي ماتعدّين عشرين
انتي نموذج للجمال الكويتي=سبحان من حطك على قمة الزين
وانا احمدالله كان انا من بغيتي=وماظن مثلي بالمخاليق تلقين
اليا انتخيتي قمت لك لا انتخيتي=من قو باسي كل صعبن لي يلين
وانا احبك واحذري لانسيتي =ينبهك شارع منه ذقت الامريين
عشرين كيلو بين بيتك وبيتي=ياطول هالعشرين عند المحبين
وعسا السعاده خطوتك لاخطيتي=ويالله عساك ان جيت يمك تهلين
وقبل الختام ارجوك هذه وصيتي=موتك يهون ولا اشوفك تخونين