المشاركة الأصلية كتبت بواسطة مشاري البدراني

يازين في شوفك شموع وقناديل= وفيها ابتهاجة خاطري وانشراحه
تضوي كما بدرً ضوى باول الليل= وتضفي على القلب الحزين السماحه
طلتك زانت بالعيون المضاليل = يامتوجً بالزين قمة وشاحه
نسيت في ودك صدوف الغرابيل =وهموم قلبً جاير الوقت لاحه
وكانك تنـــشّد عن جميع التفاصيل = وتبي تعرف البينه والصراحه
غلاك ثابت ماله اليوم تبديل = ياللي طعونك داخل القلب راحه