بخيتان البشري=


ياسلام الله والأمة صابها شي مايصيري = قامت تحرم حلال وقامت اتحل الحرامي
ياحسن ياعزوتي فالنايبة وانته خشيري = عاش مرفوع المقام اللي مقامه من مقامي
حفيد الحجيري=
مرحبا واللي معه عقل ومعه فكرن بصيري=قبل ياقع فالحمى يبعد عن دروب الأثامي

يا حزامي فالليال السود والوقت العسيري=قدرنا سامي وقدرك يا عضيد الجنب سامي
بخيتان البشري=
يالحجيري لي تلبي وان زهمتك يالحجيري = تركب امواج البحور وهقوتي جنح الظلامي
تاصل اعماق المحيط وتسمع ايلبي ضميري = لازهمت الذيب ابومحمد تشوف الحر حامي
حفيد الحجيري=
ياولد عمي ليا ناديت ابن عمك يغيري=لأجلك أدوس الخطر وأملا الفشق وسط الحزامي
والله وستين نِعم ومثلكم سيفه شطيري=عد راهي من وردبه ما يصدرّ منه ضامي
بخيتان البشري=
الجبال الشامخاتي مايصلها كل طيري = كل سامي عاش سامي لو كِثيرات الاسامي
فالدروب اللي طوال سنود وعرات المسيري = حثت الاقدام خطوتها وتمشيبك امامي
حفيد الحجيري=
الرغى طبع النياق وللبعارين الهديري=والجبال النايفه عنهم بعيدات المرامي
ما عسرنا ما عضانا ما اشتقينا من يسيري=ما أكثر اللي قُدمنا صاروا عجين بلا عظامي
بخيتان البشري=
للحمول جمالها والزمل قايدها بعيري = ورمية النيشان صابت فالهدف من زرف رامي
ماعرف سمن ومضير اللي عشاه بجبن كِيري = ولا عرف رمي الرماح وسمها روس السهامي
حفيد الحجيري=
الجمل حملّ نياقه يوم جتله تستديري=وانفرك خشم الرجال اللي فنخرتها عرامي
جا يحسبنّ الليالي كلها فلّ وعبيري=وراح يندب حظه اللي جابه لقبضة حسامي

بـخـيتـان البشــري/حـفيــد الحجيــري=