الطوفان=
يا سلامي عليكم ياثقات الرجال=ردةٍٍ ما بعدها غير خير ...الله الله
يبرق البرق في عرض المزون الثقال=منذر الناس باليوم الخطير ...الله الله
الحجيري=
عدّ ما للضيوف تسوق شقر الدلال=مرحبا من لسان ومن ضمير ... الله الله
يومنا ذاك ما دلت عليه الخيال=له علامات كبرى وله نذير ... الله الله
الطوفان=
البقا والأجر والخير للي ينال=وطاعة الخالق المعبود غير ... الله الله
العلامات واجد دون شك (ا) وجدال=وأنذر الناس منذرهم عصير ...الله الله
الحجيري=
الله اكبر له التوحيد جلّ الجلال=نمتثل لأمره وبه نستخير ... الله الله
يالعتيبي جديدك وين والليل طال=والمعاني رحاةٍ تستدير ... الله الله
الطوفان=
أمتثل بأمر ربك ياشجيع الخوال=دامت أنك تبا دربك سفير ...الله الله
والبحرغصت في غبته يبن الحلال=والغني ماحسده الا الفقير ... الله الله
الحجيري=
وش علينا تشوف اِفصح ولا تكون ذال=لك يا طالبنا أمان مْن المدير ... الله الله
ندري إنّك عريب ولك عمامن وخال=ميتّ الجمعه حسّاده كثير ... الله الله
الطوفان=
مايذل الشجيع (ا) وله علوم ن جزال=وفالمعارك على خيله يغـير ... الله الله
وانت لا شك فيك الخير في كل حال=مار وش فايدة كثر الصفير ... الله الله
الحجيري=
والقصيّر لك الله مايطول الطوال=ما يطول الطوال اللي قصير ... الله الله
وانت ما أذمكّ انته مُرّكم شهْدْ حال=فرّقوا فالصفير وفالهدير ... الله الله