االبرق=
البرق يبرق بالسما. من فوق شعار الحروب = ياويل شاعر يحترك. ينزل صواعق وبردي
خطرن عليكم بالعما. بالملح يومنه يذوب = شاعر معاكم وشتبك . حتى الكواكب تشهدي
عاشق نجد=
ياباغي الكفر اسلما . وقدامنا الكافر يتوب =والخشم يبغا ينفرك . لكن صبرك ياجودي
لا وحليلك يانما . صاير تنفخ بالذروب =لكن بصبر وامهلك . وتشوف برقي وارعدي
االبرق=
السيل من فوقك طما. قدامنا تمحا الذنوب = دخلت راسك بشرك .يا جنون هيدي واركدي
الرمي توه ماحتما. والرمح قتال القلوب = طالع يمينك ويسرك . عط الخريمه وابعدي
عاشق نجد=
السيل ماهو كالحما . فوقكم حما النار اللهوب=يالبرق دايم ندبك . ومعنى ترى عزمك ردي
انته بلا عروق ودما . وتناطح ارجال الوجوب =ويسراي دايم بضهرك . ويمناي قمع المعتدي
االبرق=
البرق يا شاعر رما . وصياحكم مني طنوب = وجمالكم كلن برك . وياشواعير ارقدي
كثر الحكا ياهل ضرما . مافاد للشيخ الكذوب = كل العيون جاها عرك . وونس عصايه من يدي
عاشق نجد=
لا وغبون مسيلما . عيرته مع كل الشعوب =وبالفعل والله مصغرك . اتنير منا وتعدي
من بيننا جاك الغما . واصبحت لعبه للعوب =ووقت التسلي نذكرك . ونحدرك ونسندي
االبرق=
ياكثر ماشوف اغشما . ماهو بشاعر ومحسوب = ياكثر منهو عيرك . لكن ربعك تجحدي
مالك سنون لا الجما . لاتحسب انك ساد نوب = البرق قام ودبرك . بالخيزرانه يجلدي
عاشق نجد=
الاطرم اللي من اطرما . دايم يبابي ومغلوب =وربعي ليالا" تنجرك . وانا وسمتك يا كردي
مالوم عضمك لحتما . دام الرحا تلقم حبوب =والعمري جاك وخنفرك . ياراع العصي اهجدي
االبرق=
يابو اذان مخرما . مالك على القمه ركوب = سلط عليك وصخرك . والصقر فيك معيدي
أنا عزيز مكرما . وانته تسحبها سحوب = عظمك شضا من يجبرك . منتوف ريش وخمدي
عاشق نجد=
عمري عن الجربا زما = ولاني بطلاي الجروب =والبوم دوبه يحترك . يالبوم ليلك مبتدي
العز ماهو لبلما . انردده من كل صوب=حربي وسيفي ينحرك . ومثلك بفعلي يقتدي