محمد الربيقي:

يامرحبا ترحيب(ن) أحلى من شهاليل القراح=باسم الرجال اللي ترحب من طناخة روسها
اقلط يابو زيد الغبيوي واطلب الله بالنجـاح=ماجاك بعلوم الديار الجدب غير عسوسهـا

ابو زيد الغبيوي:

دام البقا ردية(ن)تبدي مثل شمس الصباح=باسم الرجال اللي تقدم للرجال دروسهـا
عطني علومك ياوسيع العرف والدنيا كفاح=واهل المعرفه ماتحيـر والوفـا بنفوسهـا

محمد الربيقي:

انا ادري انك لك ثلاث ايام بالك ما استراح=تبكي على الهافات لاقامت تحـن تروسهـا
انته عتيبي وبدوي مبسوط يوم الغيث طـاح=والناس ترج الغيث تبغى اللي يوق ضروسها

ابو زيد الغبيوي:

اثرك ماتبكي وفي صدرك وناسه وانشـراح=وجمالكم يمكن يجيهـا واحد(ن)ويحوسهـا
الله يجيب الغيث مير البرق فالمنشا مـا لاح=من قلة الامطار اشوف الارض يدبي سوسها

محمد الربيقي:

ياطير ابن برمان طير ان كان لك ريش وجناح=وازهـم عتيبـه لاتقـوم تحوسهـا وتدوسهـا
ادري بقلبك ريب ماتدعـي للامـه بالصـلاح=مطرف(ن) موس الحلاقه وش يسوي موسهـا

ابو زيد الغبيوي:

يبى يطير الطير وانته تشرب السم الذحاح=وعتيبه الهيلا تغني شعر مـن هاجوسهـا
محمد بن عبيد يهرج في زمان الانفتـاح=واللي على باله نعرفه يفجعـه كابوسهـا

محمد الربيقي:

الناس تحمل هم تجريد اليهود من السلاح=وعتيبه الهيلا على خط الجنوب جموسها
ان كان عندك علم حدد فالمجي وفالمراح=لاترتعد يمناك والصفنه على ناجوسهـا

ابو زيد الغبيوي:

رح مر سالم وازهمه وارجع على شيخك رباح=ثم روح لاسرائيل بجموع الحـروب ودوسهـا