[poem=font=",5,#a0522d,bold,normal" bkcolor="" bkimage="http://www.alhroob.com/harb.jpg" border="groove,4,#a0522d" type=2 line=0 align=center use=ex num="0,"]
ياهل الفرايد والعلوم الجدايد=بالله عليكم بالخطا لاتمادون
من فضلكم ياطيبين العقاايد=ياهل الحظوظ اللي عليها تدرون
ترا النصيحه من كبار الفوايد=للرجالنا اللي عليها يحرصون
ياتاج راسي يالرجال العوايد=ان كان توحون النصيحه وتصغون
ترا العلوم اللي تجيب النقايد=انتم ورا عن دربها ماتشومون
والصمت حكمه والتزام المحايد=وان صفق المسكين لاتستخفون
مافيه يومٍ ماتجدد جدايد=والمهزله في زود والمجد في دون
وكثر الكلام وكثر ناقص وزايد=مثل الربا حكمه نتيجه ومضمون
والطيب ياعشاقة الطيب كايد=والا الردا هين وراعيه ممهون
وهل النمايم خاربين العقايد=لمجادكم ياهل الفخر لايهدمون[