ملتقى قبيلة حرب الرسمي - عرض مشاركة واحدة

20-11-11, 06:30 AM


	بسم الله الرحمن الرحيم ياكثر الشعر ياكثر القصـــــــايد = وياقل اليوم من هو كان ســــــايد سمعنا من يقول إنه يغنـــــــــــي = على الطاروق ويجيب الجــــدايد واليامنك سمعت اللي يقـــــــــوله = خلا من الي يسمن الشـــــــرايد اذا مالشعر قافيه ومعـــــــــــــنى = واليامنك سمعته قلت كــــــــــايد يكون السبك هو الحبك فــــــــــيها = وتطلع منها بعدة فـــــــــــــوايد لها السامع من اول بيت يصــــغي = قصيدة كنها عدة قصـــــــــــايد واذا مرت على شاعر ودقـــــــق = يقوده قوها لوكان قـــــــــــــــايد تمنى والتمني مايفيــــــــــــــــــده = لو إنه جابها ينعد صــــــــــــايد مع الايام تبقاء واليـــــــــــــــــالي = تردد كنها صبح المعــــــــــايد من الواقع عن الواقع تكـــــــــــلم = ماهي سرد ٍ مثل سرد الجـــرايد على طول الزمن والروح فيـــــــها = جديد ٍلبسها ماهوبـــــــــــــايد تشابه لذهب لو ثمونـــــــــــــــــها = ومن هو جابها ينــــــــــعد رايد وتجي من بعدها وحده ثقيـــــــــــله = ولاتحرك وسيعي ٍ البنـــــــايد تاخذ مده لها مده ٍتـــــــــــــــــــردد = وتصدا مثل ماتصدا الحـــدايد وبعدها جنبوها واهملـــــــــــــــوها = لها بديوان في رف ٍ محـــــايد جزيله بس في وقت ٍ معـــــــــــــين = ترّوح مثل ماتروح الشــــدايد وتجي من بعدها وحده هزيـــــــــله = لها هيكل لها بــــــدي وزوايد ولو إنك بغيت تقول زيــــــــــــــنه = لحقك من الرجال اكبر نقـــايد ولاكن فيه من يوجد يطـــــــــــــبل = وبه ناس ٍ تعلقها قــــــــــــلايد وبه من هو يسميها فريــــــــــــــده = وهي ماهي على نهج الفـــرايد هذا الموجود ياساده وحاصـــــــــل = بساحات الشعر ياهل العــوايد وانا مازكي لنفسي ولاكــــــــــــــن = هذا توضيح من كثر النكـــايد فايز موسى البشري