الطوفان=
غيرو من نهجكم وأنا الجميع أنخاهم=يجعلون أسما المعاني جوهر(ا) وعنواني
مايسب الناس غير أخسم وادناهم =والترفع شيمة المطنوخ والشجعاني
حفيد الحجيري=
نهجنا شرواك وانتم نهجكم شرواهم=الرجال اللي تعَرْف البوم والشيهاني
لا وردت (ب)عدّ قوم اِحذر تغثرب ماهم=خصّ قولك لا تعمّه والعن الشيطاني
الطوفان=
الرجال الطيبين انموت ماننساهم=وانت منهم ياحفيد أنته قوي أيماني
ماني أمغثرب عدود الناس غير أبغاهم=يسمعون اليا نصحت أنا الجميع أخواني
حفيد الحجيري=
الرجال اللي كماك مدسمين لحاهم= ما نسيت اللي يا وجه الخير ما ينساني
لا بغيت اهل الوفا تسمعك سم أسماهم= وانت وآنا من شبابه صفوة العرباني
الطوفان=
درب راع الطيب كل الناس مايخفاهم=وأنا اقدر كل راعي طيب لو يشناني
يسمعون ويفهمون وطلبتي وعفاهم=والقبايل يكرمون ايقدرون العاني
حفيد الحجيري=
عن دروب الطيب قوم الطيب من ينحاهم=ما غواها الا غشيم بجدّك وجدّاني
حرب قوم(ن) تكرم العاني بطيب قراهم=والقبايل كلها ونعم رفيعة شاني
الطوفان=
الكرم وهبه وهبها الله لهم وعطاهم=والكريم الخالق المعبود مايخفاني
والنعم والله بهم عسى الولي يرعاهم=والقبايل تعمل المعروف قاصي داني