اه كلمة بسيطــة صعبـــة فالمعاني =اه ماهي دواء هي زيــادة جروح
اه تفسيرهـا تفسيـر يمكن امـانـي =اوتكون الامـاني نازحة بالنـزوح
اه صعب نفك ارموزهـا في ثوانــي =صعب نكشف بلاها قبل ماهي تروح
اه هي حاضره في كل وقت وزماني =فالبـوادي وعند مشيديـن الصروح
اه لو قلتـهـا قالـوا بهمـــه يعاني =اه ماحد يبيهـا لابضحك ونـــوح
اه مسرع بلاها يـنـتـقـل فالمبــاني =كل بيتً من البـيـبـان لين السطوح
اه دايم معانا فالطرب والاغانـــــي =طفل يعرفها وتعرف عنـدشيخ سموح
اه لو كنت ابشرح كان يتعب لساني =بس ليش اشرح اللي مايسجل طموح
اه منها كفاية اه والوقـــت حاني =اترك القـاف ومشي وكل شيــــاًيروح