مضحي بن جمران=
سلام ماهو سلام اهل الحسا والقطيف=من قلب طيب يسوقه للقلوب النظاف
سلام سني على السنه وقلبه نظيـف=الاسم موجود والمنصب طواه الجفاف
خالد فهد الحربي=
يامرحبا ياالمسلم,وانت طبعك طريف=من غاب جابتله الحوا طويل الظلاف
يالسني اللي تلوا وانت مانت بضعيف=رديت لي قاف رديه وابا اعطيك قـاف
مضحي بن جمران=
لو يستمر الربيع ولايعقبـه خريـف=ماني منشد وجابت جدي مامن خلاف
صاحبك هنه على العقلان يابو منيف=الخير فقبال وألا الشـر ولآ وطـاف
خالد فهد الحربي=
اهم شي انت تاخذلك شهر باالمصيف=ثم بعدهـا لاتغـارب يحـط الكتـاف
لاعود العلم شف سبعه بحيد الرصيف=اطيبهم اللي تبسم بالثمـان الرهـاف
مضحي بن جمران=
من بعد ماني معزب صرت طرقي وضيف=من يجهل المحترف مايعرف الاحتـراف
من بعد ماهم بقاده تحت امرت عريـف=ماكن ماضي لهم من قبل فعـلٍ يشـاف
خالد فهد الحربي=
يارجل خلك على ماقيل دمك خفيف=قدام نشلع عن الميت متين الحـاف
راع الشداد المسمى لو نشوفه رديف=ماهي غريبه ليا منـا فتحناالمـلاف
مضحي بن جمران=
الوضع في تالي الايـام كلـه مخيـف=ياربنا استر على اللي من جلالك يخاف
كان المفتح تقدا في جنـاب الكفيـف=لاتبرك الزمل من شان الحمول الخفاف
خالد فهد الحربي=
لاتخطب الهاشميه وانت مانت بشريف=انت اعربيٍ يهل الدمع فوق الرعـاف
اتعبت رجلي ورا براق مزن الخريـف=لاكن تفرق ووبله ما يبـل الشعـاف
مضحي بن جمران=
فوز الطهيمي مزعل كم نفر وزن هيف=ياضايق الصدر مانحتاج منك اعتراف
سريت وحده عليها شهود يالقرم كيف=ماهي عسيفٍ تقاود بعد كثر العسـاف
خالد فهد الحربي=
لافاز باالجايزه حربـي ولاهـو حليـف=عدل حولتك وجنب عن وساع الرفـاف
اشبع من الرز لاقربت صحن المضيـف=ياراعي الخدر منطوقك على الشيخ حاف
مضحي بن جمران=
انا احسبنك خلف هذاك واثرك خليف=بين الثرا والثرياء البعد والاختـلاف
ايبله اقلط مع الوافين وإلا انت شيـف=يعني تجيب الصحن وتعجل الانصراف