بسم الله الرحمن الرحيم


السلام عليكم ورحمة الله وبركاتة
كيف حالكم ان شاء الله بخير وعافية ونعمة

في هذا الموضوع شرح تفصيلي لتجديد الاستمارة ومتطلباتها

.

|| اول شي الفحص الدوري للسيارة ||

وقيمتة 73 ريال

واذا سقط

الاعادة بـ 24 ريال


لكن قبل ماتروح هذي اشياء شيك عليها
ولااحد يقلوك رح للى برى وخلهم يفحصون ومدري ايش
لانهم بياخذون عليك اشياء مالها داعي
عشان كذا رح ادخل الفحص واذا نجح زين على زين
مانجح شف الاشياء اللى سقط فيها وصلحها وبسـ



الاشياء اللى يدقووون فيها الفحص :

1- الفرامل .
2- المبات النور والاشارات .
3- الزيت اللى تحت السيارة (( اغسل بستم قبل تروح )) .
4- البوري >> لاحد يحقرة تراه يسقط
5- الحذفة اذا كانت قوية .
6- نسبة الكربون .
7- الشمكان اذا كان فية اصوات .
8-المساحات ويكون فيها مويه
هذي اشياء يدققون عليها ولازم تشيك عليها قبل


* وللمعلومية : اذا سقط الموتر يعيدون الفحص على الشي اللى ساقط عندك فقط .

* نصيحة : رح للمسار اللى فيه زحمة وعادة مايكون المسار 1 .. لانهم يصيرون مايدققون .



||||||||||||||||||||||||||||||||||||||||



|| الخطوة الثانية التأمين ||

بعد ماينجح موترك بالفحص لازم تأمن على السيارة عشان المرور .

ولازم تتأكد من الشركة انها مقبولة من المرور.

وانا اشوف افضل شركتين :

1- التعاونية .. تأمين ضد الغير بـ 375 ريالـ .. واذا كان عمرك اقل من 21 تحتاج ملحق قيمتة 470 .

2- المتحدة .. تأمين ضد الغير بـ 350 ريالـ .. واذا كان عمرك اقل من 21 تحتاج ملحق قيمتة 300 ريال .


||||||||||||||||||||||||||||||||||||||||


|| الخطوة الثالثة الاستمارة ||


بعد ماتفحص الموتر وتأمنة باقي عليك الاستمارة

اول شي تروح للبنك وتسدد الاستمارة وقيمتها 150 ريال غير عدد سنين التطويف

وتاخذ الايصال .


وهذي اشياء مطلوبة :

1- الايصال حق السداد .
2- الاستمارة القديمة .
3- تعبي الاستمارة عندهم ,
4- شهادة الفحص الدوري .
5- ورقة التأمين .

---------------------------------------------
اخواني بعض الأسئله المتكرره
س: بكم رسوم اللوحه الطويله وايش متطلباتها ؟
ج: رسوم اللوحتين 100 ريال - الاستماره تقديم طلب

(مو على طول تطلع اللوحه تطلع بعد اسبوع تقريبا)


س:طيب الزجاج الأمامي فيه شعر ممتد بالعرض تقريباً طوله لا يقل عن 20سم يدققون عليه ؟!

ج: نعم يدقوقون عليه اذا كان مو مصلح (منع الامتداد)