المشاركة الأصلية كتبت بواسطة بن مريع

حزني كتب في ساحة الصمت عنوان = بالدمـع والكتمـان أقسـى روايـة
وفكري يهوجسبة على طول الازمان = يسترسل الماضـي بفـن الدعايـة
وهمن تراقص بة مواويل والحـان = تعزف لة الاطـلال عـودة ونايـة
وبلة تقاطر من محاجيـر الاعيـان = يروي بها ذكرى بطـرق الحكايـة
وانا اذكر ان الفرح واقف وحيـران = ماعادلة في عالـي الرجـم رايـة
يوم اعلنوا فوز المواجع والاحـزان = قفـى وكـن يقـول هـذا جدايـة
وانا اطلبة تكفى تهون علـى شـان = صوتٍ ينادي بساحة البـوح تايـة
تكفى تناسى وكن هالشـي ماكـان = خل الامـل سيفـك ودرع الوقايـة
لاتهجر البسمة على وجنة انسـان = ظامي ولة في يابس الريـق آيـة
في جوفها يذبل من الـورد بستـان = ومن عرقها يصرخ ذبحني ظمايـة
ارفق بها يالفرح لا صرت عطشـان = وبيديك وردّهـا لمجـرى السقايـة
كانت تعبر عن شعورك فالاوطـان = وكانت تنورلـك طريـق الهدايـة
لا جيتها عاشق ولا جيـت ولهـان = تحني لك الحجّـان مقصـد وغايـة
ولا جيت متكدر وضايـق وزعـلان = مالت غصـونٍ واشرفـت للنهايـة
ارحم جريحٍ ينزف الحـزن هتـان = وانتة طبيب الجرح وانتـة دوايـة
بسيوفة العوجا خذى قسمة اطعـان = عكر صفـى فرحـي وزود شقايـة
خلّف جروحٍ عقبة اشكـال والـوان = تحتـاج بلسـم واهتمـام ورعايـة
الحزن لة بيـن المعاليـق بنيـان = والفرح بعد اسوارهـا لـة بنايـة
شتان بين الفرح والحـزن شتـان = مثل النهاية فـرق عنهـا البدايـة
هذا الكلام مصارع افراح واحـزان = ولا يهتني فاقـد بصـر بالقرايـة