السلام عليكم ورحمة الله وبركاته
،،
،،
هذه قصيدة بمناسبة حفل زواج الشاب نايف ابن الشيخ عبد الرحمن بن عطا الله البلادي
شيخ البلادية في خليص -- يوم الاربعاء الموافق 6/11/1432هـ
في ليلـةٍ والشعـر يعجـز لسانـه=عن وصف فرحة عزوتي ذرية العود
فرحة سليـل المجـد رافـع كيانـه=الشيخ .. آبو غيث منهل هل الجـود
فا أعـز مـا يملـك وقـرة عيانـه=ذخر الفهد نايف ذخر وافـر الفـود
سـلام يفـرح بـه نزيـه البطانـة=عد الحيا واعداد مـا ساقـت القـود
يضفي على من خالق الكـون عانه=وشـرف يباري فهـود في حلة فهود
ســلام والا مرحـبـا بالامـانـه=عندي سوى الثنتين مـا بينهـن زود
يشوش رأس الحـر ويزيـن شانـه=لاشاف شروى هاللحى وفود وفـود
والشعر يا أهل الشعر شاسـع بيانـه=فياض فضفاضٍ بـلا سـد وحـدود
لكن بعد ما سـج شاعـب سمانـه=وكلٍ حضر بالوافيـة يسبـق النـود
يشعب ذلول الحرف مطلق رسانـه=بأبيات شعرٍ طيبهـا ريحـة العـود
باسرج حصان الفكر واطلق عنانـه=يالين ما يرسي على هامـة الجـود
وأقولها .. والشعـر ماهـو رطانـه=شعرٍ يجي بالزيف لـو زان منقـود
اسم البلادي فوق صهـوة حصانـه=برجال في العهدين ترقى به سنـود
ترقى السنـود ولا تـروم الطمانـه=في عهد أخو نورة ومن سابق عهود
سلمٍ لأهـل السلـم وأهـل الميانـة=وفزعة عدو الظيم لا ثـار بـارود
قصيـرهم يلقى الأمـن والضمـانه=وعدوهـم ينهـار لـو كان جلمـود
قلته وأنا مـن ربـع عـز ومكانـه=أولاد يـوب مطوعـة كـل نمـرود
لتاريخهـم بيـض المناقـب مدانـه=نصتهم البيضاء .. في يوم مشهـود
ربعٍ بسيف الشعـر لا جـاء أوانـه=من دون شرع الله وحكامهـا تـذود
وإن جات للحراب في الحرب خانـه=مع القبايـل للوطـن درع وجنـود
والختم صلوا فـي القسـى والليانـه=على شفيع الخلق في يـوم موعـود