المشاركة الأصلية كتبت بواسطة عبدالرحمن عبدالله مفوز المحمدي

أبرسل المكتوب يمك وأكزه=عبر السحاب اللي نشوف ارتكازه
تنثر على الشاشه سلام منزه=تنظم حروفه زين خلف القزازة
الشاهد الله كم لكم من معزة= غير الغلا مالي مقاصد وعازه

يامرحبا وأهلين في كل حزه=وقت الدوام أو كان وقت الاجازه
بالمرسل اللي سلامه يدزه= في داخل المكتوب والطيب حازه
هو عزني وأنا يعلم الله اعزه=والكل منا يفتخر بإعتزازه
تقدير وضروف الدهر ما تهزه= بحول ربي غير يبقى عزازه
هذا الكلام وباقي الهرج جزه=يالشاعر اللي جس شعري وهازه
ثابت وراسخ مثل خبرك مرزه= ما يغيره ميل الهوى واهتزازه
وانت اضنك تبي تستفزه = مدري عجب والا تدور غرازه
ان كان معجب هات بيرق ورزه= وان كان غيره لا تقرب لغازه
يحرق لمنهو اصبعه فيه غزه=عساك تسلم والسلامه مفازه