يامدعـيـن الشـعـر للـشـعـر تـقـديـر=تكـفـون لاتـرّخـون عـالــي مـقـامـه
خـلـوه بيـديـن الوجـيـه المسـافـيـر=اللـي لـهـم فالشـعـر هـامـه وهـامـه
قــدام لايصـبـح مـثـل سـالـم الـزيـر=الفـارس اللـي مــات مـالـه رحـامـه
حيّـل الله اقـوا يـاصـدوف المقـاديـر=اشّهـر عليـه الوقـت سلـة حسـامـه
اصـبـح ضحـيـه للعـقـول المقافـيـر=اللـي عطاهـا الوقـت صافـي هيامـه
تجتال بـه مـن دون حشمـه وتدبيـر=كـلـن عـلـى ماقـيـل وجــه سهـامـه
من شان يصّبح من كبار المشاهيـر=ويحطّ لـه مـن فـوق اسمـه وسامـه
هــذا وانــا مـاقـول ذمّــه وتحّـقـيـر=الـقــدّر بـاقــي والقـضـيـه مـقـامــه
الليـل هـاتـو يـاهـل الــراي تفّسـيـر=حـلـو القضـيـه لايضـيـع احـتـرامـه
وشلـون عــاد تفـسّـرون المحـاذيـر=اللـي غـدت فـي كــل مبـنـاه شـامـه
والشعرمـن صنّـف الـدلال المباهيـر=تجلى عن الروس الخـوا والعسامـه
لا. والله الا ســدّحـــوه الـمـغــاويــر=من يوم وصّـل اللعـب ذروة سنامـه
الـوضّـع مايقّـبـل مـعــه أي تـبـريـر=يمّكـن بعـد نسمـع بـراغـب عـلامـه
اللي يبـي يكّتـب سوالـف واساطيـر=قــام يتـلاحـق يالـرّبـع فــي زمـامـه
يـبــي يـغـنّــي لـلـبـنـات الـغـنـاديـر=عـسـاه يكّـسـب بالقصـيـده زعـامـه
ماهـم لـو يرّميـه فـي جـمّـت البـيـر=يهـــون قـــدره للـخـصـر واللـثـامـه
عـزّي لكـم يـاهـل البـكـار المغاتـيـر=يامـن شربتـو الشعـر ليـن الثمـامـه
موروثـكـم روّح عـلـيـه التحـاسـيـر=يمكـن وجـوده صـار مثـل انّعـدامـه
حطـوه فالتابـوت تـحـت المسامـيـر=يالله عليـك انـت الخلـف والسـلامـه
غـدابـه الـلــي مـايـعـرّف التعـابـيـر=مـاحـط هــذا فــي سـجـل اهتـمـامـه
الـلـي يكـسّـر فــي مبانـيـه تكّسـيـر=يـبـي يحـقـق بــس مقـصـد مـرامـه
ولا تحّسـب انـه بـس هـذا ولاغـيـر=باقـي بعـد والوضـع فـيـه احّتـدامـه
لا . ما انتهينا من حساب المخاسير=اللـيـل تــوه .لـــو مـطــوّل ظـلامــه
باقـي هـذاك اللـي شـراء بالدنانـيـر=شاعـر لكـن الوقـت يالرّبـع ضـامـه
وعـاد المصيبـه كلهـا نـافـخ الكـيـر=السـارق الـلـي مـثـل راس النعـامـه
يبـي تصفّـق لـه جمـوع الجماهـيـر=لـكـن بـكّـره تطـيـح عـنـه العمـامـه
الـحـال كـلـه صـايـرن فـيـه تـزّويـر=مـاعـاد نــدري ويــن راع الـمـلامـه
هــذا القـضـيـه كـلـهـا دون تغّـيـيـر=دونتـهـا يـاهـل الـوفـاء والشهـامـه
حررتـهـا للعـلّـم والـوقــت تـحّـريـر=شاهـد علـى اللـي فيـه هـذا العلامـه
عـلــيــك يالله حـلّــهــا والـتـدابـيــر=قـــدام لاتـطـلــع عـلـيـنـا الـقـيـامـه