هــب البـراد وزان وقــت المـطـالـيع=وظـروف وقــتي ماتوافــق مـزاجـي
ونجات من صوب الشمال الذعاذيـع=تطـري عـلــيّه سجّــتـي وبتـهاجــي
قــبل امتداد العــولمه والمـــشـاريع=والجـو صافي ماتشـوف العــجاجي
والصـيد واجـد والزبيــدي مصالـيع=واللي عـلى يمناي طلـق الحجاجـي
واليـوم والله لو تمـشّــيـت يامـطيع=وقـت الوناسه صار ضدّه ازعـاجي
مـن ذاق مـن غــبر اليـــالــي تـلاويع=من كـــل صوب ايجـــيه هـــمٍّ مــفاجي
ومـن ذاق مـن حــب العـذارا قـراطـيع=يبـــطي وجـــرحه بين الاضـلاع لاجي
وا جــادلــي حــطـة ثــلاث المــراقــيـع=منهـن عــنا قــلــبي وفـــيهـن اعــلاجي
يامــطيـع والله مســمع الهـــرج ماطــيع=قـلبي عــلى المجمول صـــابه اخــلاجي
=التوقيع مساعد الجليدي