في خاطري كلمتـن مانـي بقايلهـا
أخاف لااجرح مشاعر واحدن غالـي
مسحتها من خفوقـن فيـه شايلهـا
ولاكل عوجآ تبى تضيق علـى بالـي
والــدار نلقالـنـا دارن بدايلـهـا
إن كان في سوقها مايصرف ريالـي
والخلق مااحصى مذاهبها وفصايلهـا
إلا السميـع العليـم الواحـد الوالـي
ولانـي بمكلوفـن بتعديـل مايلـهـا
إلا لياشفـت ميلـة رجـلآ مـوالـي
الاخ الشاعر المبدع / محمد عبدالمحسن البدراني
صح لسانك وسلمت ودمت
ابيات رائعة وجدت بها ما اجبرني على القراءة اكثر من مرة
قصيدة رائعة من شاعر مبدع ورائع
وتقبل تحياتي
اخوك محمد الفالح