يوم الخميس اللي قضى بالمواعيد = حراس راشد مول تكتب وصاتي
جينا على الراشد وحنا اجاويد = ثوبي مغبٍر غير قصة حذاتي
قالو عوائل لو تكرٍمت وتريد = قلت الاهل جوكم وانا الحين آتي
قالو تفضَل قلت شكرآ يابو الليد =واطلع مع الدرجان وواقف بذاتي
وجيت المطاعم والبشر قامت تزيد = وشفت البنات وقلبي روًح شتاتي
والخادمه فيهم علينا كما السيد = والورع فيهم مايذوق الشباتي
والبنت ربطة عنقها توصل الاييد = ضلعين والربطه مسيل الفراتي
والوجه كاشف ماعليهم مناقيد = اطيبهم اللي للخشم ساتراتي
ليله معاهم كنًها ليلة العيد = ياظنًتي مافيهم اللي يحاتي
ماكنًهم الًا مهنًد وانا عبيد = ولًا كما الحيً وشاف المماتي
كلًن مصاحب ياصديقي لو تصيد = غير العيال اللي سواة البناتي
ماهم جميع محدَد العلم تحديد = بنت الشرف ثابت شرفها ثباتي
لولا رجال الدًين صرنا بمدريد = والبنت تمشي دون لبس العباتي
منصور هيًا عند ربعن محاميد = من قبل لاتقضي بقية حياتي