مانيب لاناظم ولانيب قصاد=شاعر وشعري ناظمه من جزاله
للشعر شاعر ناضمينه ونقاد=ولاكل من ينظم يحقق مناله
شوفوا قصيدي من ثلاثي الأبعاد=حبكه وسبكه والجزل مستواله
ماني بهرباد(ن) ولاأبوي هرباد=معرب(ن) مابين جده وخاله
وربعي قبيلة حرب في كل مرصاد=لاقام كل(ن) يفتخر في مجاله
حنا ترانا اسياد وعيال الأسياد=منزالنا في كل قمه وطاله
اليا قدحت مابين بارود وزناد=من عادة الحربي الحاله الحاله
حرب الدول والترك في عصر الأجداد=عدونا بالحرب ياشين فاله
ناتي على وضح النقا قدام الأشهاد=ياقف لها حربي ولاضاق باله
كم واحد(ن) ينوي بنا الشر مافاد=ولو قال مهما قال مالله قاله
وياكم واحد ماصار عنه نشاد=جابوه ربعي حرب اقطعت حباله
وياكم واحد يشتعل فيه قداد=ماحقق المطوب والحال حاله
والا الخوي وأنقدره دوك الأسناد=الشمري يوم ان ينطق مقاله
رح انشد نويشي ترا علمه وكاد=تلقى الجواب اللي يناسب سواله
ودخيل من ذكره به العز يزداد = مقدر(ن)جاره وجاب الجماله
فدى بنسه دبر الله ماراد=وجاره سلم مافيه شئ جراله
ماهمنا هرج الوشا هرج الأوغاد=ولاعذرب الاجواد غير الحثاله
من دون قاصر بالقبايل والاجواد=وكل(ن)يعد الطيب فيما حكاله
كل(ن) يريد الطيب صادر وميراد=والطيب ماني ماخذ(ن) به وكاله
في ظل دوله مانبي غيرها ابلاد=دار السعوديه ودار الشكاله