يا سامع المذن ماعاد فيه معذار = عجل ليامنك سمعت الآذاني
وأعص العدو اللي متكبر ومغتار = اكفخ مثل الحر ترى العمر فاني
مع الجماعه صل وكثر بالأذكار = لا تقول أنا تعبان والنوم جاني
خلك مع الجماعه رجال الأخيار = وصل الفروض الخمس وصوم رمضاني
واحرص على ممشاك مع رجال الأبرار = لا تقول أن كسلان وتصير داني
لا تصير في دنياك ضيق ومحتار = ترى صلاتك نور بعلا المباني
وخلك من اللي يذكرونه بالأسحار = اكفخ مع الأحرار لا تصير أناني
لابد من يوماً تجي فيه الأقدار = وتشال باليدين فوق الأمتاني
أما على الجنه وإلا على النار = لعلك فيها مبشراً بالتهاني
الجنه اللي فيها على الكيف تختار = والثانيه احذر كلام اللساني
اللي يحمّل صاحبه كثر الأوزار = والثالثه اذبح علو السماني
ومل الدلال اللي على الكيف بوجار = وسوقه للي مكرمين الأيماني
وأكرم ضيوفك يافتى وكرم الجار = ولب الطلب للي يجيلك عاني
وصلوا على اللي طيبه فيه الأسرار = على النبي اللي مافيه مثله أنساني