مرحوم ياللي منصبه في محله= ما يزيح ذكره لو تزيح الجبالي
راع الشجاعه مجلسه ما تـمله= راع الفخر والجود كريم السبالي
أبو فهم واللي صعباً يــــــحله= راع الحميه والكرم والدلالــــــي
ابن مصـــارع والنشامى تدله = نجره دايم مع صــــباحه يـــلالي
كل الشجاعه والظفر منه كله= وإلا الردايــــا مالها به مجالــــي
محمديأ مذهبه الدين والملــه= أبوي يسوى عندي جميع العيالي
عساك عـــــند الله بـجنه وفله= قلبي من فرقاه يميناً وشــــــمالي
ما فيه عيباً يوم عيــني تـهله=على عريب الجد أبويه وغـــالي
لك شوق من تحت المحاني يتله=كلن يبيك بعيد ولى مــــوالي
ما تنسي أفعالك مره أي والله=حتى الوضيحى تندبك والمتالي
يا لله تغفر له دقه وجله=يا لله طلبتك يا عظيم الجلالي
يا لله طلبتك تحت عرشك تظله=يا لله ياللي عليك كل اتكالي