.
ودعتك لله ياست الكل=ويسكنك يا روحها الجنه
لو المدامع بكاها مل=حكم القدر مالنا عنه
ايوالله اكبر مصيبه فيك=ياوقت ودعت فيك امي
فالخلد ياللي سهرت ابكيك=ودمع الاسى جر من دمي
.
يمه بكيتك وانا صاحي=وفي غفوتي ناحت الاحلام
تعمقت بعدك اجراحي=والحال يمه بعدك اسقام
.
كل شي كنت احسب حسابه=الا فراقك يا اغلى الناس
فرحي بعدك انقفل بابه=والحزن قدا علي وقاس
مالي هوا فيك يالديره=بغياب ست الحبايب عنك
لو كان تطريبك السيره=من دونها كن ماني منك
.
يادار من لي بعدها سيد=ست الحبايب بعدها من
الناس فرحة نهار العيد=وانا الجبل من بكايه حن
رحمك الله امي رحمك الله
مرار
.