المشاركة الأصلية كتبت بواسطة شيهانة الابواء

أغلا وطـن حنـا بعـزه عزيزيـن=يعلا وجعـل الـروح فـدوة ترابـه
ياديرتي دايـم علـى العـز تبقيـن=مرفوعـة الرايـه بفخـر ومهابـه
بين الدول من حقـك إنـك تباهيـن=مقـر بيـت الله ومهبـط كتـابـه
بيت يتوجه لـه وجيـه المصليـن=الكل بالخمـس الفـروض اقتدابـه
من كل حدب الناس جولـه ملبيـن=كلن حضر للحـج يشعـب ركابـه
بر ضك خطى خاتم جميـع النبييـن=نلتي شرف مهد النبـي والصحابـه
لأغلى ثرى تسهر صقور(ن) ٍشياهين=آل السعود ألـي رفيـع(ن) جنابـه
شيخ ٍ نذر روحه لجل خدمة الديـن=وسيف العدل بالحق وثـق نصابـه
جمع شتاتك بعـد كانـت قطاعيـن=أرض (ن) دمار يسودها حكم غابـه
فيها القوي ياكل حقـوق الظعيفيـن=وقوافـل الحجـاج كانـت نهابـه
نفخر ببو متعب زعيـم السلاطيـن=حر(ن) سليل المجد كـل(ن) يهابـه
عطـاه مايبغـى شهـود وبراهيـن=مده بفعـل الخيـر كـل(ن) درابـه
بالجود له بصمـه بكـل المياديـن=يغدق على الملهوف مثل السحابـه
أسمه لمع غصب(ن) عن ألي معيين=شيخ(ن) رقى بالمجد لأعلى هظابـه
عساه فالدنيا مـن ألـي سعيديـن=وفـلأ خـره يالله تحسـن ثوابـه