هذه المحاورة من اقوى المحاورات بين الشاعرين / راشد السحيمي و محمد السناني
محمد السناني
مرحبا بالصاحب اللي صحبته لابد منها = مر تحكمها الحدود و مر تحكمها الطواري
بعد هذى كل كلمه قالها منشود عنها = لين يثبتها حسب ما قال مسلم و البخاري
راشد السحيمي
البقى بالصاحب اللى صحبته دافع ثمنها = كل ما قالو صديقى ينتظرني جيت ساري
يا محمد لا تبالش روس حرب و تمتحنها = الكلام اللي وصلك اصله بطوعي و اختياري
محمد السناني
صاحبك عرج على صورتك يومين و دفنها = و العرب تدرى عن الاسباب و انت مانت داري
يمكن الدنيا تحرك شامها و ازعج يمنها = الكلام اللي صدر بالطيب و الا بالجباري
راشد السحيمي
ذاك ماهو صاحبى من صرها يشرب لبنها = ما يخوفنا منه غير الهجوم الانتحاري
كل شي يجوز ما دام الفتن هذا زمنها = خل ما بينك و بين اجنوبنا عازل حراري
محمد السناني
كل حبه قالو العقال ترجع لمخزنها =لا تعذر و انت ظاهر لك على الخطه مواري
انت ما يمديك في واحد شهر تامر و تنها =لا تعرض للسيوف و لا تعرض للشباري
راشد السحيمي
العباره واضحه و اللى عرف نفسه وزنها = و المجنن تكتب اسماها بصبات الكباري
العلوم الاوله الحين ضيعنا لحنها = و اعتذرت لعالمٍ ما يستحقون اعتذاري
محمد السناني
قافله فاتتك و الاخرى تبي تلحق ضعنها = مير مدري تلحقه فالليل و الا فالنهاري
تعتذر و الناس ما يمكن تفرط في وطنها = انتظر يومين حتى يصدر الامر الوزاري
راشد السحيمي
اشكر النعمه و قدر من مقدم لك صحنها = كان اهل جده حمام اكيد اهل مكه قماري
السناني صاحبي لا شاف له قبه زبنها = مير انا ماني على اللى يفسد الاخلاق ضاري
محمد السناني
نحمد الله كل مجموعه تمارى بمعدنها = مشكلتنا من حرم طيبه يجيبون الجواري
مهنةٍ تفرض عليك و مهنةٍ ما تمتهنها= المهم انك على خطة مهندس و استشاري
راشد السحيمي
الجواري مسجد العباس يقدر يحتضنها = انت ما تعرف تفرق بين الاسمر و الخضاري
لا يصير اذنك بطاقه كل من جاها شحنها = الرجال الها مواري و الخبول الها مواري
محمد السناني
طال منك لا معقلها و لا موثق رسنها = لا تغارب لو تعشاها الذيابه و الضواري
لا تسير بنيتين اللي يعاملها لعنها =اختلط فالمجتمع و ادخل مع العصر الحضاري
راشد السحيمي
ان رزقنا الله بسيه مستعد اعطيك منها = ودى انك تورح البارود يا ريم البراري